Меркаванне. «Абарона Айчыны – справа ўсенародная».

Віталій Галавач, старшыня Алекшыцкага сельскага Савета депутатаў, дэпутат Бераставіцкага раённага Савета дэпутатаў:

–  Беларусы –  мірныя людзі, і палітыка нашай краіны носіць выключна абарончы характар. Як сказаў Прэзідэнт, мы вычарпалі ліміт на рэвалюцыі і войны, і ўсе пытанні зараз прапануем вырашаць не на полі бою, а за сталом перагавораў. Але сёння вельмі напружаная сітуацыя ў свеце, і трэба ўмацоўваць бяспеку краіны перад абліччам новых пагроз. Упэўнены, што паспяхова супрацьстаяць непрыкрытай гібрыднай агрэсіі супраць нашай рэспублікі дапаможа толькі адзінства беларускага народа.

Вядома, у Беларусі выбудавана эфектыўная сістэма абароны, і найбольш важныя задачы ў гэтым накірунку вырашае армія. Але я лічу, што быць гатовымі абараняць сваю краіну павінна не толькі войска ці людзі ў пагонах, але і кожны з нас. Бо толькі надаўшы гэтай справе ўсенародны характар, можна гарантаваць паспяховую абарону дзяржавы.