28 ліпеня давераная асоба кандыдата ў Прэзідэнты Рэспублікі Беларусь Аляксандра Лукашэнкі - старшыня СВК «Азёры» Гродзенскага раёна, член Савета Рэспублікі Нацыянальнага сходу Рэспублікі Беларусь Аляксандр Шышко правёў сустрэчы з выбаршчыкамі Бераставіччыны.
Аляксандр Мікалаевіч ужо 20 гадоў узначальвае адну з мацнейшых гаспадарак Гродзеншчыны, яму добра знаёмы клопаты і турботы вяскоўцаў. Другі раз ён прадстаўляе інтарэсы нашага рэгіёна ў Савеце Рэспублікі Нацыянальнага сходу Рэспублікі Беларусь. Ведаюць Аляксандра Шышко і ў нашым раёне, ён неаднаразова бываў на Бераставіччыне.
Першую сённяшнюю сустрэчу Аляксандр Шышко правёў у аграгарадку Алекшыцы. Ён акцэнтаваў увагу прысутных на тым, што пасля развалу СССР наша краіна пайшла па стваральным шляху, захавала і паспяхова развівае прамысловасць, зрабіла вялікі крок наперад у развіцці аховы здароўя, адукацыі, транспарту, высокіх тэхналогій. Беларусь не толькі цалкам забяспечвае сваю харчовую бяспеку, але і значную частку прадукцыі - на суму да 6 мільярдаў долараў - экспартуе. Аляксандр Шышко падкрэсліў, што Рэспубліка Беларусь - сацыяльна арыентаваная дзяржава, якая на першае месца ставіць інтарэсы чалавека. Ён заклікаў жыхароў Алекшыц прыйсці на выбары Прэзідэнта Рэспублікі Беларусь, каб выканаць свій грамадзянскі абавязак і зрабіць правільны выбар.
У завяршэнне сустрэчы перад прысутнымі выступіў народны ансамбль народнай песні “Бераставіцкія музыкі”, які ўзняў настрой жыхарам аграгарадка цудоўнымі песнямі аб нашай сінявокай Беларусі.
