“Споведзь салдацкага сэрца”, мерапрыемства прысвечанае Дню памяці воінаў – інтэрнацыяналістаў

Дванаццатага лютага ў філіяле “ Алекшыцкая сельская бібліятэка” прайшоў урок мужнасці і гераізму “ Споведзь салдацкага сэрца”, прысвечаны Дню памяці воінаў – інтэрнацыяналістаў. Была аформлена кніжная выстава, дзе размясцілася літаратура аўганскай тэматыкі, як мастацкая так і гістарычнага зместу з фотаздымкамі.

На яго былі запрошаны: Старшыня Алекшыцкага сельскага Савета – Віталій Галавач, намеснік дырэктара па ідэялагічнай рабоце РСУП “ Алекшыцы” Алеся Капіца, вучні дзевятага класа Алекшыцкай сярэдняй школы і іх класны кіраўнік Наталля Баброўская. І вядома ж героі мерапрыемства: ветэраны вайны ў Аўганістане, якія жывуць і працуюць у роднай гаспадарцы: Андрэй Вабішчэвіч -   намеснік дырэктара РСУП “ Алекшыцы” і Івосіф Барцэвіч, працуе на пілараме гаспадаркі.

Мерапрыемства праходзіла ў незвычайным фармаце, што вельмі спадабалася вучням. Гэта была дыялогавая пляцоўка за сталом з салодкімі пачастункамі і напоямі.

Пачалося мерапрыемства з гісторыі падзей аўганскай вайны. Каб больш зразумела было ўявіть аб чым ідзе гаворка, і для чаго сёння наша моладзь павінна ведаць пра падзеі гэтай неаб’яўленай вайны, на якую былі пасланы больш за 30 тычяч беларусаў, на экране дэманстраваліся дакументальныя кадры “ Хронікі аўганскай вайны”. Як заварожаныя ўслухваліся яны ў кожнае слова вядучага не адрываючы всаіх вачэй з экрана. З боллю ў сэрцы слухалі і воіны-аўганцы, у думках пракручваючы падзеі той страшнай вайны, дзе кожны дзень глядзелі ў вочы смерці.

Пад песню А. Разэнбаўма “ Чорныя цюльпаны” ушанавалі памяць усіх загінуўшых на гэтай вайне хвілінай маўчання і запалілі лампадку памяці. Латаш Святлана прачытала верш “ Кому нужна была война”, які крануў сэрцы кожнага хто рпысутнічаў на мерапрыемстве. І разам з  Паўлам Малашкам яны чыталі ўрыўкі з “ Аўганскага дзённіка”.З кранаючай прамовай выступіў  Старшыня сельскага Савета, звяртаючыся да воінаў-аўганцаў пажадаў ім моцнага здароўя, моладзь прызваў берагчы і адстойваць інтарэсы сваёй Радзімы, абараняць яе і ахоўваць.

Усе удзельнікі мерапрыемства актыўна ўключыліся ў абмеркаванне пачутага і убачанага. Узнікла шмат пытанняў да воінаў-аўганцаў. Напрыклад: як вы аднесліся да прыказу несці службу ў Аўганістане? А ці бачылі вы “ духаў”, як змагаліся з пяцідзесяціградуснай спёкай? Як часта пісалі пісьмы дамоў, і ці пісалі праўду? Вашы адносіны да той вайны? Як ставіліся да рускіх салдат мірныя жыхары? Якімі льготамі карыстаюцца зараз ветэраны аўганскай вайны? Кожны змог задаць сваё пытанне і пачуць змястоўны адказ, можа падчас і не зразумелы для цяперашняй моладзі. Вось гэта былі сапраўдныя патрыёты сваёй Радзімы: смелыя, мужныя, гатовыя ў любы час прыйсці на дапамогу. Вось на каго трэба раўняцца цяперашняй моладзі.

 Наталля Баброўская выступіла перад вучнямі і са свайго жыццёвага вопыту зрабіла вынік: няма нідзе лепш, як там дзе ты нарадзіўся, дзе абаронены дзяржавай твае правы, дзе ты зможаш сябе рэалізаваць, калі паставіш перад сабой пэўную мэту.

Заключным акордам стала запальванне “Лампады ПАМЯЦІ” каля помніка воінам-аўганцам, што знаходзіцца ў аг. Малая Бераставіца.

Спадзяюся, што мерапрыемства надоўга застанецца ў памяці нашага падрастаючага пакалення, як старонка гісторыі, якую нельга перагарнуць, яе трэба ведаць, каб перадаваць далей з пакалення ў пакаленне.

Дзякуй усім, хто прыйшоў на мерапрыемства, аказаў фінансавую дапамогу: дырэкрару РСУП “ Алекшыцы” Валерыю Паўлюкевічу; за падтрымку: дырэктару    “ Алекшыцкай сярэдняй школы” Валянціне Паддубіцкай. Моцнага здароўя і мірнага неба над галавой!

                             Бібліятэкар філіяла “ Алекшыцкая сельская                   бібліятэка:    З.Я.Хлебнікава