Своеасаблівай візітоўкай гаспадаркі з'яўляецца комплекс па вырошчванні і адкорме буйной рагатай жывёлы (БРЖ) « Алекшыцы» — адзін з лідэраў па вытворчасці ялавічыны ў краіне. Ён ужо на працягу некалькіх гадоў стабільна ўтрымлівае 1-2 месца ў рэспубліцы па атрыманых прыбаўленнях у вазе.

Гэта адзіны ў раёне комплекс такога ўзроўню, разлічаны на 5 тысяч галоў буйной рагатай жывёлы. Маладняк для яго гаспадарку закупляе па ўсёй рэспубліцы. На комплексе пад кіраўніцтвам Норберта Юзэфовіча Малецкага працуе каля 70 чалавек.

Все фото

Комплекс функцыянуе ўжо 30 гадоў і дае палову абароту грашовых сродкаў гаспадаркі. Самі работнікі называюць яго "фабрыкай мяса і грошай". За 2023 год гэтага года сярэднясутачнае прыбаўленне ў вазе на дарошчванні маладняку склала 1015 грам (на адкорме – 1062 грама).

Гаспадарчым спосабам комплекс пастаянна абнаўляецца і падтрымліваецца ў належным стане. Перыядычна праводзяцца рэканструкцыі яго будынкаў і ствараюцца належныя санітарна-бытавыя ўмовы для работнікаў комплексу.

Па выніках раённых спаборніцтваў у аграпрамысловым комплексе ў 2023 годзе РСУП "Алекшыцы" прызнаны пераможцам - 1 месца - за дасягненне лепшых паказчыкаў у вытворчасці мяса буйной рагатай жывёлы ў 2023 годзе.

Малочная галіна гаспадаркі.

Малочная жывёлагадоўля ў гаспадарцы прадстаўлена малочна-таварным комплексам «Алекшыцы», на якім утрымліваецца 895 галоў дойнага статка, малочна-таварным комплексам «Макараўцы» з пагалоўем 710 кароў і малочна-таварным комплексам «Падбагонікі», дзе ўтрымоўваецца 298 галоў дойнага статка.

Валавы надой малака ў 2023 годзе склаў 19 799 тон (+2477 тоны да ўзроўню мінулага года), ад адной каровы надоена за 2023 год 10121 кг малака. Гатункам «экстра» рэалізавана 92,3% ад агульнага аб'ёму рэалізацыі малака.

РСУП «Алекшыцы» Пераможца раённага спаборніцтва, сярод сельскагаспадарчых арганізацый за дасягненні лепшых паказчыкаў у вытворчасці малака ў 2022 годзе, якое заняло першае месца.

Пераможца сярод малочнатаварных комплексаў сельскагаспадарчых арганізацый, малочнатаварны комплекс «Макараўцы» РСУП «Алекшыцы» (загадчыца Крупенька Тэрэса Валяр'янаўна), які дасягнуў лепшых паказчыкаў у вытворчасці малака і заняў першае месца.

Все фото

У гаспадарцы таксама займаюцца і вытворчасцю мармуровага мяса — прадукцыі павышанага попыту.