Аграгарадок Алекшыцы — гэта невялікі аграгарадок Бераставіцкага раёна, Гродзенскай вобласці Беларусі. Аграгарадок знаходзіцца проста ля аўтатрасы, прыгожы, сучасны, заўсёды дагледжаны.

Аграгарадок Алекшыцы, як кажуць, лепш адзін раз убачыць. Прыгожы, сучасны. Калі казаць аб сацыяльнай сферы, то лягчэй сказаць, чаго тут няма. Тут ёсць літаральна ўсё, што неабходна для жыцця чалавека, які працуе на зямлі, для яго сям'і. Шмат новых дамоў сядзібнага тыпу, пабудаваных па прэзідэнцкай праграме за кошт крэдытаў і сродкаў прадпрыемства, у якіх жывуць работнікі гаспадаркі.

Новая забудова Алекшыц — прадмет асаблівага гонару кіраўніка. За апошнія 10 гадоў, было пабудавана і здадзена ў эксплуатацыю 36 дамы на 62 кватэры для працаўнікоў гаспадаркі. Несумненна, гэта адзін з фактараў замацавання спецыялістаў у вёсцы, асабліва маладых, бо атрыманае ўласнае жыллё спрыяе таму, што людзі застаюцца тут працаваць.

Усе маладыя людзі, якія прыходзяць працаваць у РСУП «Алекшыцы», забяспечваюцца добраўпарадкаваным жыллём у Аграгарадку, атрымліваюць усе прадугледжаныя заканадаўствам выплаты для падтрымкі маладых спецыялістаў.

Асноўнай славутасцю мястэчка Алекшыцы з'яўляецца Пакроўская царква 1871 года пабудовы. Царква была поўнасцю адрэстаўравана ў канцы 20-га стагоддзя. Архітэктура і маштаб царквы ў мястэчку Алекшыцы дастаткова тыповыя для Беларусі, падобных цэркваў, на шчасце, захавалася нямала.

 

Беражліва і з падзякай, адносяцца жыхары аграгарадка і кіраўніцтва РСУП «Алекшыцы» да подзвігу суайчыннікаў, якія загінулі падчас ВАВ. У памяць аб падзеях ВАВ, у аграгарадку ўсталяваны помнік загінуўшым землякам. 

У РСУП «Алекшыцы» вельмі клапатліва і ўважліва ставяцца да сваіх людзей. Сацыяльны пакет тут даволі важкі — жыллё для маладых спецыялістаў, рамонт дамоў, добраўпарадкаванне ў аграгарадку, арганізацыя экскурсій, разнастайных святочных мерапрыемстваў — гэта далёка не поўны пералік таго, што робіцца тут на карысць людзей, а значыць і далейшага росквіту гаспадаркі.